Gaur zendu da Mikel Arrastoa, mendizaleen artean Arrastro bezala ezagunagoa, 90 urte zituela. Alpino Uzturre elkartean Esteban Larraioz izan zuen eskalada irakaslea eta ondoren Arrastroren ikasle izan ziren Martin Zabaleta (Everesteko gailurra lortu zuen lehen euskalduna), Takolo azpeitiarra eta Tolosaldeko mendizale asko. Patxi Berrio eta Alberto Caceresekin eskalada bide asko ireki zituen, tartean Txindokiko frontoian eta Biaizpetan.
Mendian lagunartean gatza eta piperra jartzen espeziala izan zela dio mendi elkarteak. Pirinioetako zeharkaldietan, Uliko babarrun jateetan, haurren ibilaldietan, Zazpi Iturrin eskalatzen irakasten, Guardetxean eski probak prestatzen... «Protagonista izan zen urteetan bere umore, apaltasun eta bihotz onari esker. Mendizale aparta eta eskalatzaile askoren maisua izan zen». Bihar egingo diote Ibarran hileta elizkizuna, 19:00etan.
Alpino Uzturre elkarteko kidea, hainbat eskalatzaile ezagunen irakaslea izan zen. 90 urterekin hil da gaur eta bihar agurtuko dute.
Erlazionatuak
Irurtzungo Biaizpe igotzen lehenak
2014 mai 25 Tolosa
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!