Urtarrilaren 4an zozketa berezia egingo dute Ibarran. Merkatarien elkarteak Gabonetarako zozketa berezia prestatu du eta zozketa eguna bitarte herrian bertan erosketak egiten dituztenek hartu dezakete parte, dendetan banatzen ari diren txarteltxoak beteta. Zozketan bi dira sari nagusiak, Istanbulera bidaia eta patinete elektriko bat. Baina Gabonetako 10 saski zozkatuko dituzte ere.
Ibarrako Merkatarien Elkarteak herriari bizia eman nahi dio eta horregatik, zozketaz gain, Olentzero eta Mari Domingiren puzgarriak jarriko ditu plazan hilaren 28an, 11:00etatik 13:00etara eta 15:00etatik 18:00etara.