Erabakia onartuz gero Uemako 92. udalerria izango litzateke eta Tolosaldeko hogeigarrena. Aurretik Elduainek erabaki zuen Uemako kide egitea.
Euskal Herrian Euskaraz elkarteak 1988. urtean abiarazi zuen proiektua, hainbat udaletan aurkeztu zuen mozio batetik sortu baitzen Udalerri Euskaldunen Mugimendua. Mozio hark herri euskaldunetako udalek euskara hutsean lan egitea proposatzen zuen, eta Euskal Herriko 32 udalek onartu zuten. Mozioarekin batera, Euskararen Erabilpena Normaltzeko Udal Arautegia onartu zuten, administrazioan eta udalerrietan euskaraz bizitzeko eskubidea bermatzeko eta bitartekoak jartzeko asmoarekin.