Aurten ere kultur lantegiak antolatu dituzte Ibarran eta dagoeneko zabalik da izena emateko epea. Ohi bezala, ikastaroak urriaren erdialdetik ekainaren erdialdera bitartean gauzatuko dira, eta ikasturtearen amaieran, lantegietan egindako lanekin osatutako erakusketa antolatuko dute kultur etxean. Sabel dantza, ehoziriak, pintura edota egur taila egiteko aukera egongo da, besteak beste.
Ikastaroetan izena emateko epea urriaren 6an bukatuko da eta horretarako lantegietan izenpetzeko kultur etxean dagokion matrikula orria beteta entregatu beharko da presentzialki. Ikastaroetan parte hartzeko beharrezkoa izango da COVID-19ari dagozkion segurtasun-neurriak betetzea.