Pasa den larunbatean hainbat eraso homofobo izan zirela salatu zuen Tolosaldeko Itaia antolakundeak. Horren aurrean, Ibarrako Udalak adierazi du "erabat gaitzesten dituela jarrera onartezin horiek".
Era berean, "herritar orok bere afektibitatea eta sexualitatea askatasunez bizitzeko eskubidea" berretsi du, eta "genero izaera ala sexu orientazioa libreki bizitzearen alde" konprometitu da.
Hori horrela, erasoa jasan duten biktimei, haien senideei eta gertukoei elkartasun eta babes osoa agertu die udalak.