Tolosaldeko Itaiak sare sozialetan zabaldu duenez, "larunbat gauean zehar, gizon talde batek irain homofoboak, mehatxuak eta gatazka fisikorako saiakerak errepikatu zituen hainbat gizon homosexualen aurka". Emakumeen Antolakunde Sozialistak erasoa gaitzetsi eta babesa adierazi die eraso homofoboa jasan zutenei.
"Kasu isolatuak izatetik urrun, eraso hauek bizi dugun errealitateari berezkoa zaion biolentziaren isla dira", esan dute. Horren aurrean, lanean jarraituko dutela gogorarazi dute, "zapalkuntza gabeko gizarte baten berme bakarra den antolakuntza komunista indartuz".