Erabakiak erabaki eta kosta ala kosta entseguekin aurrera jarraitu du Alurr dantza taldeak. Oholtzak berriro hartzeko gogoz dira eta uda honetarako lotuta dituzte dagoeneko hainbat hitzordu. Lehena bihar izango dute, herriko plazan: 18:00etan eskainiko dute emanaldia, Ibarrako Gazte Asanbladak antolatu duen Gazte Asteburuaren barruan.
Datorren astean berriz, ekainaren 25ean, haurren txanda izango da. Emeterio Arrese parkean eskainiko dute emanaldia, hauek ere 18:00etan. "Haurrak oholtzarik eta plazarik zapaldu gabe geratu diren honetan, urte guztian ilusioz osatutako dantzak kalera atera nahi ditugu", esan dute dantza taldekoek.
Azkenik, ekainaren 27an, Gattiu emanaldia eskainiko dute Zizurkilgo Intxaur pilotalekuan. Uztailean eta abuztuan egingo dituzten emanaldien berri aurrerago emango dutela esan dute. Alur dantza taldean izena emateko epea uztailaren 7an zabalduko dute Alurreko webgunearen bitartez.