Goizeko 11:00etan puntual iritsi da Ibarrako plazara Kutxa Bira. Musikarekin eta txalo artean egin diote ongi etorria, Iparra Hegoak antolatutako egitasmoari..
Musika eta dantzarik ez da faltatu Ibarrako ekitaldian. Eta euskara ikasten ari diren Monikak eta Lolak irakurri dute kutxaren barruan herriz herri irakurtzen ari diren mezua. Herriz herriko aldarrikapenez gainera, Euskal Herri osoari zuzenduko zaion Hitza da gure lurra testua dago kutxan. Amets Arzallus bertsolariak idatzi du mezu orokor hori, eta herri guztietan irakurtzen dute, eta baita Ibarran ere.
Euskararen aldeko ekitaldi batzuk bertan behera geratzearen «galera emozionalak» konpentsatzea du helburu egitasmoak. Ibarran ere sartu dituzten beraien ametsak eta nahiak kutxan, eta ohore hori euskara ikasten ari direnek izan dute.
70 bat herritatik igaroko da, eta maiatzaren 30ean Seguran amaituko du bere bidea.