Ibarrako Udalak atzo eskatu zion Osasun sailari herrian baheketa bat egiteko, baina ez dela beharrezkoa erantzun dio. Herrian atzemandako positiboen jatorria identifikatuta dagoela esan du Osasun sailak eta "egoera kontrolpean" dagoela. Gainera azken zazpi egunetan intzidentzia tasak beherakada txiki bat izan duela argudiatu du.
Egoeraren aurrean, Igor Zapirain alkateak esan du datozen egunetan herriko egoeraren jarraipena gertutik egingo dutela, eta herritarrei eskatu die osasun neurriak errespetatzea eta arduraz jokatzea.