Saharako emakumeen begiradak

Amaiera eman diote 'Sahara libre' zikloari Ibarran; herriko eragile ezberdinen artean, argazki erakusketa bat jarri dute herriko txoko ezberdinetan. Bost mural prestatu dituzte guztira.

Sahara libre zikloa iritsi da bere azken ostikoetara. Goizean egin dute azken ekimena herriko txoko ezberdinetan: argazki erakusketa bat muntatu dute eta irudiak martxo osoan izango dira ikusgai.

Mendebaldeko Sahara emakumeen begiradatik. Horixe da erakusketako gaia, eta Javi Julio argazkilariak ateratako argazkiak jarri dituzte herrian zehar.  Juliok berak ere hartu du parte muntaketan eta jarri dituzten argazki bakoitzeko azalpenak eman ditu.

Muntaketa egiteko, herriko hainbat eragilek hartu dute parte, eta eragile bakoitzari txoko batean aritzea egokitu zaio. Izaskun auzotik hasi dira argazkiak jartzen; auzotarrek hartu dute bertan parte. Uzturpe ikastolan jarraitu dute gero, ikastetxeko ikasleekin. Handik, herriko plazan eman zaio jarraipena Hauspoa elkartearen eskutik, eta ondoren, Txumitxa tabernaren aldamenean jarri dute beste argazkia, Deabruak Kalerako Ibarrako Asanblada Feministako kideek. Azkenik, eta erakusketarekin amaitzeko, Euskal Herria kale hasieran kokatu dute azkena, Alurr dantza taldekoek.

Guztira bost argazki jarri dituzte horrela herrian zehar. Argazki bakoitza zati ezberdinetan zegoen banatuta, eta eragileek, banan bana itsatsi behar izan dituzte muraletan, kolaren laguntzaz.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!