Ibarrako kale horretan Gipuzkoako Urakek hornidura lanak egin ditu; ibilgailuentzat itxi egin dute kalea, beraz, oinezkoek soilik izango dute kale horretan ibiltzeko aukera.
Urri hasieran Gipuzkoako Urakek ur hornidura hobetzeko lanak hasi zituen Arantzazuko Ama kalean eta lanen ondoren lurzorua txukunduta utzi dute. Irisgarritasun trabak ekiditeko, hildako zuhaitzak eta hauen txorkoak kendu dituzte, "oinezkoentzat eragozpen gabeko espazio bat sortuz". Kale hori aurrerantzean oinezkoentzat bakarrik izango denez, sarrerak itxi egin dituzte ibilgailuentzat.
Ibarrako Udalak adierazi du auzo horretan aparkatzeko dagoen arazoaren jakitun dela eta alternatiba desberdinak aztertzen ari dela gaur egun.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
