Koronabirusa

Ibartarrentzat ere etxean jarduera fisikoa sustatzeko plataforma bat prestatu dute

Ibarrako kiroldegia kudeatzen duen BPXport enpresak gomendatu du plataforma. Monitoreek prestatutako jarduerak egin ahalko dira.

Belabieta kiroldegia kudeatzen duen BPXport enpresak etxean jarduera fiskoa sustatzeko plataforma prestatu du. Izan ere, itxialdiko denboran, buruz eta gorputzez osasuntsu egoteko kirola egitea garrantzitsua da.

Honako helbidean bisitatu daiteke plataforma: https://entrenadesdecasa.bpxport.es/

Jarduerak 5 taldetan sailkatu dituzte:

  1. Jarduera koreografiatuak

  2. Jarduera funtzionalak

  3. Gimnasia leunak

  4. Familian egiteko jarduerak

  5. Lehen sorospenei buruzko bideoak

Plataforma euskaraz zein gazteleraz dago eskuragarri eta bideoak BPXporteko zentro guztietako monitoreek egindakoak dira, plataformari aberastasun handiagoa emateko eta aniztasun handiagoa izateko.

Egunero bideo desberdinak igotzen joango dira, plataforma gero eta aberasgarriagoa izan dadin. Era berean, datozen egunetan plataformari funtzionaltasun berriak ezarriko dizkiote, hala nola, zuzeneko klaseak, eguneroko errutinak eta bestelakoak.

Erlazionatuak

Ariketa fisikoa etxean egiteko app bat, tolosarren eskura

Tolosa

Mootiv entrenamendu aplikazioa deskargatzeko gomendioa egin du Tolosako Udalak eta egunero-egunero entrenamendu ezberdinak eskainiko dira aplikazio...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!