Emeterio Arrese kaleko hiritartze lanak direla eta, ibilgailuentzako bidea moztuko dute bi zentzuetan. Datozen egunetan egingo dituzte lanik garrantzitsuenak, eta horretarako, ibilgailu guztientzat sarrera mugatzea nahitaezkoa izango da. Errepidea altxatzeko lanak dira egingo dituztenak eta ondorioz, guztiz moztuko da trafikoa, otsailaren 4an eta 5ean, 8:30etik 17:00etara. Eta otsailak 6an eta 7an kalea erabat moztuko da ordutegi jarraian, asfalto lanak amaitu arte.
Ibarrako Udaletik, bertako bizilagunei eta herritar guztiei eragozpenengatik barkamenak eskatu diete.