'Kartzelatik askatasunera' erakusketa, bisitarien zain

Eneritz Maiz Etxarri 2019ko aza. 16a, 13:26

Itziar Moreno eta Aitzol Iriondoren eskutik Kartzelatik askatasunera erakusketa jarri du, kultur etxean, Ibarran sortu berri den Deabruak Kalera Asanblada Feministak.

Hilaren 29a bitartean ikusgai egongo dira koadro eta eskultura ezberdinak. Gaur egin dute irekiera inaugurazioa, eta datozen egunetan edozeinek ikusteko aukera izango du. 

Baina gaurkoa hasiera baino ez da izan. Datozen egunetarako ekitaldi ezberdinak antolatu dituzte Deabruak Kalera taldeko kideek.

Azaroak 25ari begira, atzo, Deabruak Kalera Asanblada Feministak eta Gaztezulok murala margotu zuten.  Txumitxa tabernaren parean jarriko dute.

EGITARAUA

AZAROAK 19, ASTEARTEA

19:00.Kattalin Minerren Moio liburuaren aurkezpena, kultur etxean.

AZAROAK 25, ASTELEHENA

Emakumeen Aurkako Indarkeriaren Kontrako Nazioarteko Eguna.

AZAROAK 26, ASTEARTEA

19:00. Mahai ingurua: Emakumea eta kartzela, emakumezko preso ohien arteko mahai ingurua, kultur etxean. Rebeka Calvo arituko da moderatzaile lanetan.

AZAROAK 29, OSTIRALA

20:30.Azken ostiraleko elkarretaratzearen ondoren, Intziri taldearen emanaldia, Subegi elkartean.

Ondoren. Afaria Subegin bertan.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!