Akabo kopako ametsa Laubururentzat. Atzokoa egun berezia zen ibartarrentzat, eta ilusioa piztu zuen jokalari, klubeko kide eta zaleengan. Bigarren mailako Rivas de Madrid izan zuten aurkari, eta maila bat goragoko taldea izan arren, moretxoek aurre egin zioten beldurrik gabe.
Eta horren erakusle izan zen ibartarren kantxan erakutsitako kemena. Azkenera arte izan zituen aukerak Alfredo Hualderen taldeak, baina ezin berdinketaren gola lortu. 1-2.
Partidako lehen gola bisitariek sartu zuten, lehen zatiaren erdian. Segituan iritsi zen, ordea, etxekoen gola, Oihan eta Andoni Agirrezabalaren jokaldi bati esker. Azken hori izan zen goleatzailea. Emaitza horrekin iritsi ziren atsedenaldira.
Neurketa amaitzeko 5 minutu baino gutxiagoren faltan lortu zuen talde madrildarrak garaipenaren gola. Hatz puntekin ukitu zuen Ibarrako taldeak berdinketa, baina ezin.
Baina atzo gauekoak badu positibotik: harmailak lepo bete ziren maila bat goragoko taldearen aurkako lehia ikusteko, eta garai onenetako giroa bizi izan zen Belabietan. Jokalariek ere eskertu zuten giro hori, sare sozialetan.
Gaur iluntzean gure taldeari lagundu eta babesteagatik MILA MILA ESKER eman nahi dizkiogu afizioari. Eskerrik asko BIHOTZEZ!
— Lauburu K.E. Ibarra (@LAUBURUKEIBARRA) 2018(e)ko urriaren 9(a)
Orain, ligan lanean gogor jarraitzea tokatzen da, berriro honelako arratsaldetaz gozatu ahal izateko.#AukeratuMOREeginLAUBURU #GoazenLauburuKEIbarra pic.twitter.com/71oyWTZLHG
Hitzik ez gaur bizitakoaz! Soilik... ESKERRIK ASKO! https://t.co/EIwOwXJYMp
— Aitzol Oiarbide (@AitzolOiarbide) 2018(e)ko urriaren 9(a)
