Atzoko elkarretaratzea, batzar informatibo bat izan zen, Maite Aranalderen egoera zein den azaldu, eta ibartarrek hemendik aurrera zer egin dezaketen jakin ahal izateko. "Berez, gaur eta bihar igaro behar zuen bi epaileren aurretik, baina dirudienez, egun bakarrean egin behar izan ditu bi Euroaginduen inguruko deklarazioak".
Ondoren, berriz, Aranalderen inguruko epaiketaren zain daudela adierazi zuten, eta hori urtebeteren barruan izango dela aipatu zuten. "Bizpahiru hilabeteetako kontua izan daiteke, edo gehiagorena ere bai. Zain egon beharko dugu".
Bitartean, Frantziako eta Espainiako espetxeetara egin ohi diren bisiten kasuak desberdinak direla eta, Soto del Realeko espetxera joateko bisiten nondik norakoak aurrerago azalduko dituztela jakinarazi zuten. Batzar informatiboaren ondoren, ez zen mobilizaziorik egin Ibarran bertan.
