Ibarrako Udalak baieztatu duenez "erailketa saiakera" bat egon da gaur Ibarran. Ustezko indarkeria matxista kasuaren aurrean elkarretaratzea deitu dute Samalda eta Kaxkubi eragileekin batera, "Erasorik ez erantzunik gabe" lelopean.
Ertzaintzak jakinarazi duenez, 36 urteko gizonezko bat atxilotu du gaur 11:20ean. Bere bikotekideari aizto batekin erasotzea leporatu diote. Atxiloketa bere bizilekuan izan dela gaineratu du Ertzaintzak, eta oraindik atxilotuak ez du epailearen aurrean deklaratu.