Astean bitan banatzen dituzte erosketak etxera eta horretarako ingurugiroa kutsatzen ez duen garraioa hautatu dute, bizikleta bat. Banaketa astean bitan egiten dute, asteazken eta ostiraletan, 13:00etatik 14:00etara. Eskaerak, egun horietako 12:00ak baino lehen egin beharko dira.
Jada 14 dira kanpainan parte hartuko duten dendak, baina baliteke kopurua handitzen joatea: Joakin Tolosa harategia, Bikoitz arrandegia, Bitxori, Oramahai Makiu, Joxe Mari Barriola harategia, Oreka belar denda, Leina estetika zentroa, Ibarra altzariak, Eugenio Uranga harategia, Errotatxo okindegia, Ibarburu Coviran, Xabier Errazkin harategia, Lurdes liburu denda eta Kiribil ile apaindegia.