Musika munduko aurpegi ezagun asko elkartu dira Modus Operandi izeneko proiektu berrian. Irailean grabatuko dute lehen diskoa Baga Biga diskoetxearekin, eta udazkenean argitaratzeko asmoa dute. Besteak beste, Betagarri eta Vendetta taldeetako hainbat partaidek osatzen dute proiektu sortu berria Bados euskal musikaren atariak iragarri duenez. 2017ko uztailean eman zuen azkenengo kontzertua Betagarri taldeak, Hatortxu Rock jaialdian, eta orduan esan zuen Betagarriko abeslariak, Iñaki Ortiz de Villalbak, proiektu berria jarriko zuela martxan, Andoni Garciarekin abestiak osatzen hasi baitzen. Vendetta taldeko Enrikko Rubiños ibartarra ere batu zen, eta baita talde bereko tronpeta-jotzailea ere, Ruben Anton. 2017ko udazkenean, Gonzalo Fernandez de Larrinoa tronboi-jotzailea (The Hot Wok) eta Julen Barandiaran baxu-jotzailea (Izaro) batu ziren, eta honela, guztiz osatu dute taldea.
Modus Operandi taldea diskoa grabatzen ari da
Vendettako bateria jotzaileak, Enrikko Rubiños ibartarrak, hartzen du parte; udazkenerako izango dute diskoa.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!