Gipuzkoa Basketek atzo iluntzean eman zuen albistearen berri sare sozialetan: Gaizka Maizak denboraldi osoa egingo du lehen taldearekin.
Gaizka Maiza DELTECO GBC-aren jokalaria izango da. Ongi etorri @gaizkamaiza00! pic.twitter.com/r7Thl1Oedc
— Delteco GBC (@gipuzkoabasket) 2018(e)ko abuztuaren 6(a)
Ez da ACB ligan ariko den lehen aldia. Joko-antolatzaile ibartarrak hiru urte daramatza Gipuzkoa Basketi lotuta, nahiz eta Iraurgin aritu den utzita. Azpeitiko taldearekin Zilarrezko LEB liga amaitu ostean, debuta egin zuen lehen mailan, 2015/2016 denboraldian, Baskoniaren aurka. Beste lau neurketa jokatu zituen ACBn.
Hurrengo urtean igoera fase bete betean zegoen Iraurgi, eta ezin izan zen gauza bera errepikatu. Bai, ordea, azken denboraldi honetan. Udan GBCk fitxatu zuen, eta lehen mailako taldearekin entrenamenduetan aritzen bazen ere, Iraurgirekin jokatu zuen Urrezko LEB mailan. Azpeitiarrekin liga amaitu ostean lehen mailan jokatzera itzuli zen. 23 minutu jokatu zituen, batez beste, 7,6 puntu eta 3 asistentzia lortuta.
Hurrengo denboraldi osoa ACB ligan egingo du Maizak, lehen aldiz. Sare sozialetan emandako konfiantza eskertu du:
Mila esker @gipuzkoabasket emandako konfiantzagatik. Lana gogor egitea tokatzen da / Gracias @gipuzkoabasket por la confianza depositada en mi. Toca trabajar duro dale!!! #AupaGBC #MareaUrdina https://t.co/fzzn1so3IQ
— Gaizka Maiza (@gaizkamaiza00) 6 de agosto de 2018