Otsailaren 26an, 18:30ean, ez ohiko udal osoko bilkura egingo du Ibarrako Udalak. Bertan Joxe Agustin Arrieta Eguigurenek (EAJ) zinegotzi kargua hartuko du.
Cristina Goya jeltzalea urtarrila hasi berritan hil zen. Ibarrako Udaleko sei batzordetako kidea zen Goya: Politika feminista eta Aniztasuna, Euskara eta Hezkuntza, Gazteria, Hirigintza, Obra eta Zerbitzuak, eta Kultura. Arrietak haren lekua hartuko du datorren astetik aurrera.
Ez ohiko osoko bikuran bi adierazpen instituzional ere izango dituzte hizketagai; Martxoak 8, emakumeok planto izenekoa eta Saharar Errepublika leloduna.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!