"Egin diren lanak ekipamendua gaur egungo teknologiara eta baliabideetara egokitzeko helburuz egin dira", esan du udalak. Alde batetik, soinu ekipamendua aldatu dute eta digitalera pasatu, eta bestetik, soinu mahaia, bozgorailuak eta mikrofonoak aldatu dituzte.
Era berean, agertokiko argiztapena berritu dute eta LED sistemako fokuak jarri dituzte. Proiekzioak egiteko proiektorea ere berritu dute eta baita hainbat formatu irakurtzen dituen gailua jarri ere. Agertokiko oihalak ere berritu dituzte, eta aurki aretoaren automatizazioa egingo dute.
Lan horiek guztiak egiteko, 27.000 euroko inbertsioa egin du udalak.