Iheslarien gaur egungo egoera ezagutaraztea izan da proiektuaren xedea. Errefuxiatuen bizitza dokumentatu eta irudikatu nahi dute egileek. “Lehen pertsonan azaldu nahi ditugu beraien egoerak eta pairatzen dituzten gizarte arazoak”, azaldu dute.
Dokumentalean 6-8 iheslariren egoerak kontatu dituzte, garai eta egoera ezberdinetan ihes egindakoak, kolektibo handi horren irudi “ahalik eta zabalena” eskaintzeko.
Joseba Sarrionandiaren poema batekin laburtu dute egitasmoaren oinarria: "Exilioa, armairu batean ezkutatzea da, norbaitek zabalduko duenaren beldurrarekin, baina baita inork, sekula irekiko ez duen beldurrarekin ere".