Ibarran jokatu da Euskal Herriko 4x4 Sokatira Txapelketaren ligaxkako bigarren eta laugarren saioa, eta etxekoek emaitza gazi-gozoak lortu dituzte. Emakumezkoen bi taldeek, Ibarra A eta Bk, aurrera egin dute eta abenduaren 17an finala jokatuko dute Kortezubin (Bizkaia). Gizonezkoen txapelketan, Ibarra Bk sailkapen onarekin bukatu zuen lehen jardunaldia, eta zenbait aldaketa egin zituzten bi taldeek finalerako sailkatzeko. Azkenean, ez ziren ez bat ez bestea sailkatu.
Emakumezkoetan, Ibarra Ak eta Bk ondorengo aurkariak izango dituzte finalean: Badaiotz, Beti Gazte A, Txantrea A eta Berriozar. Gizonezkoei dagokionez, orain urtarrilean hasiko den 8x8 txapelketari begira jarri beharko dira. Kortezubiko 4x4 finalean ondorengo taldeak izango dira lehian gizonezkoetan: Baigorri, Beti Gazte, Sokarri, Ñapurrak, Berriozar B eta Txantrea B.
Euskal Herriko 4x4 txapelketan ezin izan dute finalean sartu mutilen bi taldeek.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!