Haur ugari bildu dira arratsaldeko 17:00etan hasi den apar festan. San Bartolome plazan soinu frogak zirela eta, lekuz mugitu dute jarduera, eta Ibarrako Azkue auzoko plaza, txiki geratu da. Txiki, eta blai eginda. Baina, egia esan, gaurko beroari aurre egiteko, osagai onena izan da bitsa. Haurrak, aparraren zuritasunean galduta ibili dira, eta gehienek, jolas ezberdinetan aritzeko aukera baliatu nahi izan dute. Etxeko txikien gurasoek ere unea baliatu nahi izan dute argazkiak ateratzeko. Ondoren, haur gehienak igaro dira errekatik, apar arrastoak kentzeko. Eta errekatik irten ondoren, guztiak dardaraka, aire hotzaren ondorioz.
Lehen esan bezala, gauean, jende asko hurbiltzea espero da. Izan ere, gaurkoan, izen handiko bi taldek eskainiko dute kontzertua plazako oholtza gainetik: The Hastelen's eta Riot Propaganda. Bestelako musikaren zaleek ere, izango dute beraien aukera. Hain zuzen ere, Txumitxa tabernaren atzeko plazan ariko baita DJ Andoni. Musikarien txanda iritsi aurretik, ordea, herri kirol saioa eta gauero egiten den zezensuzkoa ikusi ahal izango dira. Hemen duzue gaurko egitaraua.
