200 pertsonek hartu dute konpromezua

'I barra-barra euskaraz' ekimena, bere erdialdera heldu da, eta ostiralean, kanpaina honen inguruko lanketa bat egiteko asmoa dute.

Batetik, aipatzekoa da ekimen honetan parte hartzeko izena eman duten herritarren kopurua. Guztira, 200 pertsona inguruk hartu dute euskaraz aritzeko konpromezua. Horien artean, udaleko langileak, ikastolako ikasleak eta herritarrak daude, eta guztiak ere adinez 16 urtetik gorakoak dira.

Euskararen aldeko egitasmo horretan parte hartu nahi duenak, aste betez txapa bat eraman beharko du soinean, epe horretan euskaraz hitz egiten duen bitartean, eta txapa horiek lortu nahi dituenak, Udaletxean eta kultur etxean ditu eskura.

Ostiralean, gainera, lehen aipatutako konpromezua eta txapak hartzeko aukeraz gain, 'Arnastu euskara' egitasmoaren lehen lanketa egingo da arratsaldeko 17:30ean. Bertan, Tolosan, hilaren 27an, egingo den lip-dub erraldoieko abestia entzun eta ezagutuko dugu, eta Ibarrari dagokion zatia zehaztuko dugu.

Aldez aurretik, Ibarrako udalak, herritarren laguntza eskertu nahi izan du egitasmo honetan parte hartzeagatik, eta gainerakoak parte hartzera gonbidatzen ditu.

Erlazionatuak

'Erradikalak gara' eta kantu afaria, sarea osatzeko

Ibarra

Urtebete joan da Ibarran emakume taldea osatu zutela, baina hilabete hauek ez dira oso emankorrak izan eta taldea indartu beharrean daudela ikusi d...

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!