2010ean Londresen atxilotu zuten Ibarluzea, eta bere kontrako euroagindu eskaera aztertu ostean, ez Espainiaratzea erabaki zuten. Londrestik abiatu eta Madrilen lurreratu den hegazkinetik jaitsi denean eraman dute atxilo.
Erresuma Batuko Poliziak 2010eko martxoan atxilotu zuen Ibarluzea (Ibarra, 1981), Londresen. 2006tik bilatze eta atxilotze agindupean zegoen, kale erasoekin lotuta. Izan ere, 2002an atxilotu zuten Tolosaldeko beste zazpi gazterekin batera. Baldintzapean aske geratu ostean, 2006an epaitu zituzten, baina Ibarluzea ez zen Auzitegi Nazionalera agertu. 1999 eta 2002 artean hainbat kale erasotan parte hartu izana egozten diote.