Iragan ostegunean Ibarrako Uzturpe Ikastolako DBH 4. mailako ikasleak ikasgelaren lau paretak baratzearen zabaltasunagatik ordezkatu zituzten. Helburua, herriko produktu kuttuna, piperra, platerera iritsi bitarte jasan behar duen prozesua bertatik bertara ezagutzea da. Honela, baratzegintzaren lana ere balioan jartzeko bidea ematen dute tankerako ekimenek.
Iragan maiatzean, ikasleek prozesuaren lehen faseari ekin zioten; hau da, landaketari. Oraingoan berriz, piperrak jaso eta ontzietan sartu dituzte.
Ekintza aurrera eraman ahal izateko Uzturpe Ikastolak Ibarra 789 taldearen laguntza izan zuen. 2013an martxan jarritako ekimena da, gazteak sentsibilizatzeko helburuarekin.
Aurretik egindako lanaren emaitza
Ibarrako Uzturpe Ikastolako ikasleek herriko produktu kuttuna gertutik ezagutzen dute; lehen, landaketa tokatu bazitzaien ere, oraingoan piperrak jaso dituzte.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!