Europako Abentura Raid Txapelketa egingo da Aran bailaran (Espainiako Estatua) uztailaren 20tik 24ra eta bertan parte hartuko dute Maitane Garmendia eta Beñat Doyharzabal ibartarrek, Euskal Raid-Aralar Kirolak taldearen izenean. Gaizka Agirrek (Artea) eta Imanol Garaizabalek (Elgoibar) osatuko dute taldea.
Lau egun eta hiru gaueko lasterketa izango da, non-stop formatuan, hau da, ez du derrigorrezko geldialdirik. Hainbat kirol modalitate nahasten dira lasterketan: mendi bizikleta, kayak, trekkina, arroil jaitsierak, rappelak, ferrata bideak...500 kilometrotik gorako ibilbidea osatuko dute: Vielhan (Lleida, Herrialde Katalanak) hasiko da eta Lleidan (Herrialde Katalanak) bukatuko da.