Iturbide eta Lesaka kartzela ezberdinetan kartzelaratu zituzten: "Eskubidez dagozkien bisitak galarazten zaizkie, eta euren komunikazioa gutunen bidalketara murrizten da", salatu du Etxerat elkarteak.
Bi preso politikoek "behin baino gehiagotan" azaldu diete euren egoera Frantziako kartzelako agintariei, baina "ez diete irtenbiderik eman".
Iturbidek gose greba hasi zuen ekainaren 28an, Fleuryn. Lesaka, berriz, zigor ziegan sartu zen bere borondatez ekainaren 15ean, bi presoen senideek Etxerat elkarteari jakinarazi diotenez.
Etxeratek salatu du dispertsio politikak "areagotu" egiten dituela "bizitza eskubidea urratzen duten horrelako egoerak, esfortzu ekonomiko eta fisiko "bikoitza" egin behar dutelako presoak bisitatzeko, eta desplazamenduen arriskua ere "biderkatzen" delako.