Ibarrako Gazte Festak ospatuko dituzte asteburuan. Bertako eta inguruko gazteentzat hitzordu garrantzitsua izaten da, eta aurten egitarau potoloa prestatu dute eskaera horri erantzuteko.
Izan ere, aurtengo Gazte Festak ez dira berdinak izango, edo hori da behintzat antolatzaileek bilatzen dutena. Horregatik, duela hilabete batzuk Ezer ez da berdin kanpaina abiatu zuten, herriko gazte guztien parte hartzea bilatzen zuena. Eta hain zuzen ere, kanpainak «arrakasta» izan zuen; 60 gaztetik gora bildu baitziren asanblada ezberdinetan, eta ordutik lan talde ezberdinetan egin dute lan aurtengo Gazte Festak prestatzeko.
AUZOLANERAKO DEIA
Hain zuzen ere, gazte guztien parte hartzea bultzatze aldera, auzolanerako deia egin dute antolatzaileek festa hauetan.
Horregatik, gaur, 16:02an muntaia egiteko hitzordua jarri dute. Garbiketa ere auzolanean egingo dute: ekainaren 18an 15:29an, ekainaren 19an 16:33an eta ekainaren 21ean 17:00etan.
EGITARAUA
Bihar, ekainak 17
18:01. Txupinazoa.
18:14. Jolas herrikoiak.
19:16. Sagardo dastaketa.
20:59. Gazte afaria plazan. Tiketak aurrez salgai ohiko lekuetan.
23:02. Kontzertuak plazan: Humus, Kao Etiliko eta Guri 5. Kontzertuen artean ekitaldia egingo dute.
02:03. Dj Bull gaztetxean.
Ekainak 18, larunbata
10:31. Gazteentzako jolasak.
16:29. Alurr dantza taldearen ikuskizuna.
Ondoren. Tortilla patata eta txokolate jatea.
19:31. Elektrotxufla elektrotxaranga herrian zehar.
21:02. Barrikotea gaztetxean, Txakurjana musika taldearekin.
22:33. Su ekitaldia Atarrabiakoen eskutik.
22:59. Kontzertuak plazan: Kezka, Gabezia, Zesuma.
02:01. Dj Jotatxo gaztetxean.
Ekainak 19, igandea
10:29. Gazteenen tartea.
18:02. Bertso musikatuak: Alaia Martin, Oihana Iguaran, Beñat Gaztelumendi, Xamoa, Amaia Agirre (gai jartzailea).
Ondoren. Talo jatea.
22:31. Kontzertua gaztetxean: Oztopo.