Izaskungo festak ospatzen aritu dira azken egunetan, eta eguraldi petralari aurre eginez igaro dituzte, gainera. Gaurkoa ere egun handia dute Izaskunen, eta dianaren soinuek laino ilunen zama jasan behar izan dute. Hain zuzen ere, laino horiek noiz ezkutatuko zain egon dira ia egun osoan, eta iluntzera arte ez du argitu egunak. Festa pixka bat moldatu ere egin behar izan dute. Meza eta hamaiketako herrikoia izan dituzte, eta ondoren kanpoan egitekoa zen bertso saioa taberna barruan egin behar izan dute, babes bila. Umorerik ez da falta izan Lizaso eta Peñagarikanoren bertsoetan eta horrek giro goxoa sortu du.
Arratsaldean ostarteak zeruan agertzen hasiak ziren Alurr Dantza Taldeko dantzarien txanda iritsi denean. Urtero izaten da emanaldia, eta ohikoa den bezala jende mordoa bildu dute dantzariek euren inguruan. Beste bertso saio batekin eta erromeriarekin agurtu dituzte azkenean aurtengo festak.
Eguraldi tristea izan da goizean Izaskunen, baina horrek ez du lortu festak giro eder eta goxoan agurtzea; hamaiketakoa, bertsolariak eta dantza izan dituzte
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!