Erromeria eguna ospatzen ari dira Ibarrako Bizi-Nahi elkarteko kideek. Autobusez joan dira Ibarratik Izaskunera eta bertara iritsi bezain laster tokan aritu dira.
Eguerdian hilda dauden elkarteko kideen oroimeneko meza izan dute, eta gosea eginda bazkaltzera joan dira pixkanaka gero eta gehiago ziren euri tantetatik ihesi.
Erromeria eguna izanik, bazkalondoren dantzatzeko aukera izan dute, eta festa egun paregabearen ondoren, berriro ere autobusez itzuliko dira Ibarrara.
Urtero errepikatzen duten hitzordua izaten da honakoa, eta gaurkoan 55 pertsona inguru bildu dira festa egun honetan.
