Urte hauetan zenbait landare galdu egin dira, eta bertan geratu direnetako batzuk babesa galdu dute, horregatik erabaki zuten lan horiek egitea.
Duela hilabete ere ikasleek lur sail berean «mantentze eta garbiketa» lanak egin zituztela azaldu zuen Ainhoa Alonso, Ibarrako ingurumen teknikariak. Orduan, gaiarekiko sentsibilizazioa lortu zutela eta, babeste eta ongarria emate lanak egiteko aproposenak ikasle berak izatea zela pentsatu zuten. Horrela ikastolan ikasitako teoria praktikan jartzea ere lortzen dute Alonsoren ustez: «Ikastolan teorikoki azaltzen diete landaketaren prozesua nolakoa den, baina guk Zuhaitz eguna aprobetxatuz erakutsi nahi izan diegu landaketa batek zer suposatzen duen beraiek gertutik ikusteko».
Lur sailaren mantentzea udalak egiten badu ere, lan hori ikasleekin egitea udalarentzat eta ikasleentzat «onuragarria» dela uste du Alonsok.
Zuhaitz eguna ospatu dute Ibarran, eta hori dela eta kiroldegi atzeko lur sailean duela hiru urte landatutako 150 Lizar babesten eta ongarria botatzen aritu dira Uzturpe ikastolako, LH 5 mailako 40 ikasle inguru.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!