Albistea ezagututa, Luis Galarragak, Aurrera-Saiazen izenean eta bertatik pasa diren pilotari guztien izenean «eskerrak» eman nahi izan dizkio Aramendiri elkartean egindako lan guztiagatik: «Pilota bihotzean zeraman, gaztetan pilotaria izan zen, eta pilotarien ondoan egotea gustatzen zitzaion».
2009. urtean, VI. Hitza Pilota Txapelketako finalak jokatu ziren egunean, urteetan egindako lana eskertzeko omenaldia eskaini zitzaion Andres Aramendik Tolosako Beotibar pilotalekuan, omenaldi irabazia eta merezia. Kideek eta pilotazaleek orduan erakutsi zioten mirespena erakutsiko nahi diote egunotan ere.