Gazte Zulo haur eta nerabeen parte hartzea sustatzeko zerbitzua da. Irailetik martxan dago Azkue auzoko lokaletan eta bertan 6 urtetik 17 urtera bitarte haur eta gazteentzat ekimenak antolatzen dituzte.
Aste Santuak adin tarte horretako haur eta gaztetxoentzat jai egunak izaten direla aprobetxatuz, ohiko ordutegi eta egitarautik kanpo ekimen ezberdinak antolatu ditu; tartean, hilaren 29ko kale ekintza.
ORDUTEGI ALDAKETA
Pazko astean, hau da, martxoaren 29tik apirilak 1era bitarte, Ibarrako kultur etxeak eta liburutegiak ere ordutegi aldaketa jasango dutela jakinarazi dute.
Kultur etxea eta liburutegia 10:00etatik 13:00etara eta 16:30etik 19:30era egongo dira zabalik egun horietan.
ASTE SANTUKO EGITARAUA
Martxoak 23, asteazkena
16:30-18:00. Arrautzak dekoratzen jolasa, Gazte Zulon, 6-9 urte bitartekoentzat.
18:00-19:30. Arrautzak dekoratzen jolasa, Gazte Zulon, 10-12 urte bitartekoentzat.
Martxoak 29, asteartea
17:00. Amilami ipuin kontaketa musikatua Pantzart taldearen eskutik, kultur etxean. Adina: 3-9 urte.
18:00-20:00. Zirko jolasak Ibarrako plazan, adin guztientzat.
Martxoak 30, asteazkena
17:00. Miru eta bere lagunak emanaldia Kiliklon taldearen eskutik, kultur etxean. Adina: 2-7 urte.
18:00-20:00. Zine foruma, gazte Zulon. Adin guztietarako.
Martxoak 31, osteguna
17:00. Potxin eta Patxin pailazoen Herriko jaiak emanaldia, kultur etxean.
16:30-20:00. Sukaldaritza osasuntsua tailerra, Gazte zulon. Adina: 10-12 urte.
Apirilak 1, ostirala
10:00-18:00. Gazte Zulotik irteera Olaberriako karting-era. Adina: 13-17 urte.
Apirilak 2, larunbata
16:30. Barre terapia, Gazte Zulon. Adina: 13-17 urte.