Ostiral arratsaldea, eta Ibarrako plaza beteta. Umeak soka baten gainean zebiltzan, orekaren bila. Izan ere, Ibarrako Gazte Asanbladak antolatutako kultur astearen barruan zirko tailerra izan dute gaur txikienek, eta diaboloak edo monozikloa bezalako jolasak izan arren, zalantzarik gabe, oreka mantentzeko sokak izan du arrakasta gehien, haurrak ilaran egon baitira zintatik pasatzeko euren txanda noiz iritsiko zain. Gazteen laguntzari esker sokaren alde batetik bestera pasa, eta zeruan ibiltzen diren helduenen pare sentitu dira.
Iluntzean, berriz, Barry Manleyren monologoa izan dute gaztetxean.
Igandean emango diote amaiera kultur asteari:
AZAROAK 14, LARUNBATA
19:00. Tortilla txapelketa, mojitoak eta pintxada.
AZAROAK 15, IGANDEA
18:00. Bertso tailerra.