Ibarrako Sare herritarra preso, iheslari eta deportatuen giza eskubideen alde lanean ari da, eta horren harira datozen egunetarako hainbat deialdi egin dituzte.
Batetik, ostiral honetan bertan bertso afaria antolatu dute Sendi Ekintza elkartean, Amets Arzallus eta Igor Elorza bertsolariekin. 20:30ean izango da afaria, eta 15 euro balio du txartelak. Sarrerak salgai daude Zubiaurre, Atari, Karlatz eta Arkaitz Azpi tabernetan.
Bertso zale guztiei eta giza eskubideen alde lan egin nahi duten herritarrei, afarirako joateko gonbita egin diete. Hala ere aipatu jada hogeita hamar sarrera inguru saldu dituzte, eta hortaz, antolatzaileek adierazi dutenez «harrera ona» izaten ari da saioa. Horregatik, sarrerak eskuratu nahi dituztenei, ahalik eta azkarren erosteko deialdia egin dute.
Batzarrerako deia
Bestalde, Eguberrietan ere preso, iheslari eta deportatuen eskubideen alde lanean jarraitzeko asmoa dute. Horretarako herritarren sare ahalik eta zabalena eta anitzena sortzea da helburua; norberak bere eremutik lan egitea. Bide horretan azaroaren 3an batzar ireki bat egingo dute ekimen ezberdinak prestatzeko. 19:30ean izango da batzarra, kultur etxean.
Hortaz, preso eta iheslarien eskubideen defentsan lan egiteko prest dagoen herritar orori bertan parte hartzeko deia egin diete.
Giza eskubideen alde lan egiteko deia egin du Ibarrako Sare herritarrak
Bertso afaria antolatu dute ostiralerako; eta datorren astean batzar irekia egingo dute
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!