Bosgarrengoz ospatu zen iragan asteburuan Mundu Mailako Patata Txorizoarekin Lehiaketa Gasteizen, Ali-Gobeon.
Jose Ignacio Jimenez eta Antxon Urrestarazu patata adituen, arabarren artean, lehiatu eta bigarren saria eskuratu zuten, herriko Xepla eta Hauspoa elkarteak ordezkatuz.
Erabili behar izan zituzten osagarrien artean ondorengoak: patata, txorizoa, Añanako gatza eta Arabar Errioxako olioa.
Ibarrako ordezkariak «gustura» azaldu dira jasotako sariarekin. Gaurkoan gainera, platera errepikatzeko aukera izango dute. Izan ere, euren elkartekideei patatak txorizoarekin prestatuko diete afaria legea egiteko. Mahaiaren bueltan bildurikoek epaia luzatuko dute: «Gasteizkoa baino epaimahai gogorragoa izango da gaur gauekoa», azaldu du Antxon Urrestarazuk umorea lagun.