Larunbatean Ordiziako Marjori kiroldegian jokatu zen A-B Eskolarteko Gipuzkoako Gimnasia Erritmikako Txapelketa, alebin eta infantil mailan. Bertan, Belabieta Kirol Klubekoak hainbat gimnasta izan ziren eta urte osoan egindako lanak emaitza onak eman zituen.
Alebinen B mailan, sailkapen orokorrean, Inko Oruesagasti zazpigarren izan zen, Garazi Jauregi bederatzigarren eta Olaia Gratziarena hamaikagarren. Gartziarena zazpigarren izan zen esku librean eta hirugarren uztailarekin; Inko Oruesagasti, berriz, laugarren izan zen modalitate honetan.
Infantilen B mailan, berriz, sailkapen orokorrean, Leire Urangak eskuratu zuen lehen postua, Laia Ortiz bigarren izan zen eta Alazne Iturbek osatu zuen podiuma.