Ibarrako merkatarien elkarteak argazki lehiaketaren bidez jasotzen dituen argazkiekin osatuko du 2016 urteko Ibarrako egutegia. Jasotzen dituen argazki guztietatik lau izango dira irabazleak eta saria jasoko dutenak. Parte hartu nahi dutenek herriko merkataritza eta herriarekin lotura duten argazkiak bidali beharko dituzte ibarrakomerkataritza@gmail.com helbidera. Argazkiak kolorean nahiz txuri beltzean izan ahalko dira, garaikoak edo iraganekoak, .jpg formatuan.
Argazkiak bidaltzean norbere datuak jarri beharko dira, izen-abizenak, adina, bizilekua, posta elekrtonikoa eta telefono zenbakia, alegia.
50 euroko opari txekeak hiru kategoriatan banatuko dituzte: 8-12 urte bitarteko gazteak, 12-17 urte bitartekoak eta 18 urtetik gorakoentzat bi sari. Epaimahaia ekainaren 11n bilduko da, eta egun horretan bertan aukeratuko du irabazleen zerrenda.