Bukatu da sokatirako Munduko Txapalketa, eta Ibarrako taldeek bi brontzezko domina eskuratu dituzte: emakumeen taldeak kluben arteko 500 kilokoan eta gizonezkoek selekzioen arteko 640 kilokoan.
Emakumeak, kluben mailan, 500 kilokoan brontzezko domina eskuratu zuten ostiralean. Zazpi talde bakarrik lehiatu ziren eta horietako hiru Euskal Herrikoak ziren. Hiru taldeek lortu zuten finalerdietan sartzea. Hirugarren eta laugarren posturako borrokan Badaiotz eta Ibarra lehiatu ziren eta azkenean eskualdekoak garaile.
Kluben arteko lehia eta gero, larunbatean, selekzioen artekoa hasi zen, eta bertan Ibarrako gizonen taldeak brontzea eskuratu zuen 640 kilokoan. Lehen fasea gainditutz finalerdietan sartu ziren ibartarrak eta Eskoziaren aurka aritu ziren. Hirugarren eta laugarren posturako lehian aritu ziren ibartarrak eta Herbeheretako taldea, eta Ibarrak irabazi zuen brontzea eskuratuz.
Larunbatean emakumezkoen 540 kilokoan aritu ziren ibartarrak Euskadiko Federazioa ordezkatuz, baina ez zuten lehen fasea gainditzea lortu. Urrea Txinak lortu zuen, eta Taiwanek zilarra. Hegoafrika izan zen hirugarren. Igandean Ibarrako gizonezkoak 640 kilokoan lehiatu ziren, baina ez zuten dominik eskuratzea lortu.
