Sendi Ekintza elkarteak bere eguna ospatuko du larunbatean. Txiriaren irekieraren aitzakian festa antolatzen hasi ziren duela sei urte, eta aurtengoa ere jai giroan igarotzea espero dute antolatzaileek.
Bazkalostean hasiko da festa, etxeko txikienei zuzendutako jolasekin, 15:30ean. Ondoren, helduentzako eskoba txapelketa izango da, 16:00etan. 17:30ean, txokolatea banatuko dute, eta gero denak, gaztetxoak nahiz helduak, jolasean jarriko dira, belaunaldien arteko sendi jolasetan, 18:00etan. Bukatzeko sagardo berriarekin txiriaren irekiera egingo dute, 19:30ean. Jolasak Ibarrako plazan egingo dituzte.
Egun, 340 bazkide inguru ditu Ibarrako Sendi Ekintza elkarteak, eta Xabier Urkizur da lehendakaria. Elkartetik azaltzen dutenez, Sendi Ekintza ez da elkarte soil bat: «Herriari eskaintzen zaion bilgune modukoa da, eta nahiz eta sagardotegia izan, ez da elkarte gastronomiko bat». Hain justu gaztetxoen hezkuntzarekin lotua da bere sorrera, eta helburu horrekin hainbat ekimen burutzen dituzte urtean zehar.
Txiriaren irekieraz gain, beste hainbat ekitaldi egingo dituzte: jolasak, txokolatea, eskoba txapelketa...
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!