Iazko Urte Zahar Krosak izan zuen arrakasta ikusita, ibartarrek bigarren aldiz izango dute aukera urtea korrika bukatzeko. Izena ematen duten helduek hilaren 31n 5.400 metro egin beharko dituzte San Bartolome plazatik hasi eta bukatuta, eta gazteek, aldiz, 300 metrotik 1.800 metrora bitartean egin beharko dituzte adin eta taldearen arabera.
Parte hartu nahi dutenek izena hilaren 26 eta 27an 17:30etik 19:0era eman beharko dute San Bartolome plazan, eta hilaren 31n 12:00etatik 13:30era leku berean. Aurten izena ematen dutenek elikagairen bat ere eraman beharko dute, Korrikalari bat = Elikagai bat izenpean janaria bilduko baitute, ondoren, elikagai banku batetara eramanteko.
Iaz 300 bat korrikalarik hartu zuten parte, eta herriko 28 dendek prestatutako loteak banatu zituzten parte hartzaileen artean. Aurten ere taberna eta dendarien loteak zozkatuko dituzte parte hartzaileen artean, eta bi korrikalarik soilik izango dute saria, gizon eta emakume beteranoenak, hain zuzen. Gazteen artean, aldiz, elastikoak eta goxokiak banatuko dituzte.