Aurreko urteetan egin duen moduan, aurten ere Ibarrako Udalak Udako Zinema antolatu du. Beraz, nahi duen herritar orok San Bartolome plazan filmak ikusi ahalko ditu doan.
Filmak ostegunetan emango dituzte, gaur hasita. Hala, gaurkoa eta datorren ostegunekoa helduentzako filmak izango dira, eta uztailaren 18an emango dutena, berriz, gaztetxoei zuzendua izango da. Emanaldiak 22:00etan hasiko dira, eta Ibarrako Udalak herritar guztiak gonbidatu ditu plazara gerturatzera.