Ibarrako Belabieta kiroldegiak Gipuzkoako Taldekako Gimnastika Erritmiko Txapelketa hartuko du bihar goizean. 10:00etatik 12:45era jubenil, kadete eta helduen mailan lehiatuko dira. Denera Gipuzkoako 35 taldek hartuko dute parte, eta tartean izango dira Belabieta gimnastika erritmikoko bi talde, helduena eta kadeteena, hain justu.
Bestalde, bihar arratsaldean Gimnastika Erritmikoko Udaberri Txapelketa ere jokatuko dute. Kasu honetan, alebinak, infantilak eta egokitutakoen mailakoak lehiatuko dira, 16:15etik 19:15era.