Ibarra Ibarrako mutilen sokatira taldeak 640 kiloko goma gaineko Euskal Herriko Sokatira Txapelketako finala jokatuko du gaur, Durangon (Bizkaia), 17:00etatik aurrera, Landako gunean. Ibarrak 18 puntu ditu Abadiño A taldearen moduan, eta biak dira faborito nagusiak. Parte hartuko dute Ñapurrak, Zuraide, Murueta eta Berriozar taldeek ere. Era berean, Durangoko jaialdian emakumezkoen 540 kilokoen bigarren jardunaldia jokatuko dute, eta bertan izango da ere Ibarrako taldea. Badaiotz eta Bizindar taldeekin lehiatuko da.