Jatetxea asteartetik igande eguerdira arte dago zabalik. Beraz, aukera paregabea eskaintzen du asteburuetako ospakizunetarako zein egunerokoan gutiziaren bat asetzeko. Finean, su eta parrillaren artean prestatutako benetako zaporeak dastatzeko.
Parrilla ardatz
Arrain eta haragi onenak parrillan prestatzen dituzte, suaren ukitu berezi horrekin, zapore eta testura paregabeak lortuz. Ez dute menurik, baizik eta karta bakarrik; zeinak benetako sukaldaritzaz gozatzeko aukera ematen duen, bakoitzak bere gogokoen arabera aukeratzeko.
Haragietan parrillako bereizgarri dituzte txuleta, azpizuna; eta arrainetan, bisigu, erreboilo, itsas zapo... Eta horiek, kartako eskaintzatik kanpo izaten dituztenak aipatu gabe.
Leku zabala taldeentzat
Talde handientzat ere leku ezin hobea da. Barruan jantoki zabala du, eta kanpoko arkupea ere berogailu eta guzti izaten dute prest talde handientzat zein txikientzat. Guztira, 80 lagun inguruko edukiera du, eta giro goxoa eta atsegina eskaintzen du ospakizun, familia-bazkari edo lagunarteko afari baterako.
Bertan prestatzen dute den-dena: hasierako zizka-mizketatik hasi, lehenengo plater eta nagusietatik pasa eta postreetaraino. Sukaldetik ez da ateratzen bertan prestatu ez duten janari edo platerik.
- Helbidea. Santa Kruz Apaizaren plaza 1 (Hernialde)
- Telefono zenbakia. 943 65 24 96