Haurrak eta gazteak dira gaur protagonistak Hernialdeko Andra Mari festen bigarren egunean. Biharko egun handiaren bezperan, jolas egiteko aukera izan dute goizean; era guztietako jolasetan aritu dira frontoian: eskuak margotuz, xaboi-burbuilak egiten, harearekin...
Une honetan, herri bazkaria egiten ari dira, eta arratsaldean jarraituko du festak, egitarau zabalarekin; pailazoak, bertsolariak edota dantzariak izango dira:
- 17:30. Potxin eta Patxin pailazoak.
- 19:00. Bertso saioa: Agin Laburu, Anjel Mari Peñagarikano, Aitor Mendiluze eta Nerea Elustondo. Gai jartzailea: Amaia Agirre.
- 21:00. Herri afaria.
- 23:00. Herriko dantzarien eta Alurr dantza taldearen emanaldia.
- Ondoren. Joxe Mendizabalekin gaupasa.
