Hernialdeko Rolleski Igoera larunbatean jokatu zen, eta bertan, 70 partaidek hartu zuten parte, besteak beste, Gipuzkoa, Nafarroa, Araba eta Cantabriatik etorritakoak aritu ziren.
Senior mutiletan, skating estiloan, Ioseba Rojok lortu zuen garaipena, 12:01eko denborarekin. Horrela, ibilbideko marka minutu t'erdian hobetu zuen tolosarrak. Bigarren postuan, irabazlearen anaia sailkatu zen. Imanol Rojok 12 segundo gehiago behar izan zituen igoera burutzeko.
Skating estiloan, emakumeetan, Nafarroako Cynthia Martinezek irabazi zuen eta beteranotan Jesus Beltranek.
Estilo klasikoan, senior mutiletan Oier Goñi agoitztarrak irabazi zuen eta nesketan Irungo Maialen Lopezek.
Beteranotan, Txomin Eskarmendi eta Amaia Abanzabalegi izan ziren nagusi, eta infantiletan, Mikel Plazas berastegiarrak eta Edurne Garayoa nafarrak iritsi ziren lehen postuan hemugara.
Alpino Uzturre Elkarteak antolaketarako Aralar Kirolak, Hernialde eta Tolosako Udala, Hernialdeko Erniobide Elkartea, Insalus Ura eta Oriako Txirrindularien aldetik jaso duen babesa eta boluntarioen laguntza eskertu du.